Þrautreyndur Spánverji dæmir leikinn

Spánverjinn Antonio Mateu dæmir leik Íslendinga og Króata sem eigast við í lokaumferð D-riðilsins á HM í knattspyrnu á Rostov Arena á morgun.

Mateu er 41 árs gamall þrautreyndur dómari sem hefur dæmt marga leiki í Meistaradeild Evrópu og dæmdi til að mynda leik Manchester City og Liverpool í undanúrslitunum í síðasta mánuði. Hann hefur dæmt einn leik á HM en það var viðureign Dana og Ástrala. Hann gaf tvö gul spjöld í þeim leik og dæmdi vítaspyrnu á Dani eftir að hafa skoðað atvikið af myndbandi.

Mateu dæmdi fimm leiki í undankeppni HM og meðal annars umspilsleik Ítala og Svía sem endaði með markalausu jafntefli. Hann var spjaldaglaður í þeim leik og lyfti gula spjaldinu níu sinnum á loft.

• Blogga um frétt