Uppselt er á leik Íslands og Króatíu sem mætast á Rostov Arena leikvanginum á morgun í lokaumferð D-riðilsins á HM í knattspyrnu.
Áhorfendur verða 43,500 talsins og þar af verða um tvö þúsund Íslendingar.
125 blaðamenn koma til með að starfa á leiknum, 50 ljósmyndarar og 35 sjónvarpsslýsendur.
Króatar hafa þegar tryggt sér sæti í 16-liða úrslitunum en slagurinn um að fylgja þeim þangað stendur á milli Nígeríu, Íslands og Argentínu. Króatía er með 6 stig, Nígería 3 og Ísland og Argentína 1.