Suárez óttast fjarveru Cavani

Luis Suárez segir að það yrði mikill missir fyrir Úrúgvæ ef félagi hans úr framlínunni, Edison Cavani, verður ekki orðinn leikfær fyrir leikinn gegn Frakklandi í 8-liða úrslitum heimsmeistaramótsins í knattspyrnu.

Cavani meiddist á sköflungi í 2:1 sigri Úrúgvæ á Portúgal, þar sem hann skoraði bæði mörk liðsins, og hefur ekki getað æft undanfarna daga. Læknisskoðun hefur þó leitt í ljós að meiðslin eru ekki mjög alvarleg.

„Cavani hefur sýnt hversu mikilvægur hann er fyrir landsliðið. Ég get ekki talað um hvernig honum gengur að jafna sig á meiðslunum en ég get þó sagt að hann mun leggja sig allan fram og gera allt sem þarf til þess að ná leiknum.“

• Blogga um frétt