Englendingurinn Harry Kane og Belginn Romelu Lukaku eru þeir leikmenn sem eiga mesta möguleika á að hreppa markakóngstitilinn á heimsmeistaramótinu í knattspyrnu í Rússlandi.
*Kane er markahæsti leikmaður mótsins með 6 mörk og leikur með Englandi gegn Svíþjóð í átta liða úrslitunum á laugardag.
*Lukaku er með 4 mörk í öðru sæti og leikur með Belgíu gegn Brasilíu í átta liða úrslitunum annað kvöld.
*Cristiano Ronaldo skoraði 4 mörk fyrir Portúgal en lið hans hefur lokið keppni og er farið heim.
*Rússarnir Artem Dzjuba og Denis Tsjerishev hafa gert 3 mörk hvor og mæta Króötum í átta liða úrslitum á laugardaginn.
*Kylian Mbappé hefur skorað 3 mörk fyrir Frakka sem mæta Úrúgvæ í fyrsta leik átta liða úrslitanna á morgun.
*Edinson Cavani hefur skorað 3 mörk fyrir Úrúgvæ en tvísýnt er hvort hann spilar gegn Frökkum vegna meiðsla.
Þá hafa kólumbíski miðvörðurinn Yerri Mina og spænski framherjinn Diego Costa skorað 3 mörk hvor en þeir hafa báðir lokið keppni.