Úrúgvæ, Frakkland, Brasilía og Belgía. Þetta eru fjögur af þeim átta liðum sem eiga enn möguleika á heimsmeistaratitlinum í knattspyrnu en ljóst er að aðeins eitt þeirra kemst í sjálfan úrslitaleikinn.
Í dag kemur í ljós hver þeirra eiga áfram möguleika á því þegar þau mætast í tveimur fyrri viðureignum undanúrslitanna.
Úrúgvæ mætir Frakklandi í Nizhní Novgorod klukkan 14 og Brasilía mætir Belgíu í Kazan klukkan 18. Sigurliðin úr þessum leikjum mætast síðan í undanúrslitum á þriðjudagskvöldið.
Tite, þjálfari Brasilíu, tilkynnti byrjunarlið sitt gegn Belgum í gær en bakvörðurinn Marcelo kemur inn í liðið á ný eftir meiðsli og Fernandinho kemur í staðinn fyrir Casemiro sem tekur út leikbann. Óvíst er hvort Edinson Cavani nái að leika með Úrúgvæ gegn Frökkum.