Leikmenn þýska karlalandsliðsins í fótbolta sendu skýr skilaboð til Alþjóða knattspyrnusambandsins áður en leikur þeirra við Japan hófst í Katar í dag.
Þeir stilltu sér upp í hefðbundna liðsmyndatöku og héldu þar fyrir munninn, allir sem einn, og vildu með því mótmæla aðgerðum FIFA sem bannaði fyrirliðum liðanna að nota regnbogaarmbandið á leikjunum á heimsmeistaramótinu.