Varnartengiliðurinn Fred, leikmaður Manchester United, kemur inn í byrjunarlið Brasilíu fyrir hinn meidda Neymar fyrir leik liðsins gegn Sviss í G-riðli heimsmeistaramóts karla í knattspyrnu í Katar.
Vænta má þess að Lucas Paquetá, miðjumaður West Ham United, færi sig framar á völlinn við þessa breytingu.
Neymar og Danilo meiddust báðir á ökkla í 2:0-sigrinum á Serbíu í riðlinum í síðustu viku og kemur Éder Militao inn í hægri bakvörðinn fyrir þann síðarnefnda.
Lið Brasilíu: (4-3-3)
Mark: Alisson.
Vörn: Éder Militao, Thiago Silva, Marquinhos, Alex Sandro.
Miðja: Casemiro, Fred, Lucas Paquetá.
Sókn: Raphinha, Richarlison, Vinícius Júnior.
Lið Sviss: (4-4-2)
Mark: Yann Sommer.
Vörn: Silvan Widmer, Manuel Akanji, Nico Elvedi, Ricardo Rodriguez.
Miðja: Remo Freuler, Granit Xhaka, Fabian Rieder, Djibril Sow.
Sókn: Breel Embolo, Ruben Vargas.