Maður hljóp inn á völlinn í seinni hálfleik þegar Portúgal og Úrúgvæ kepptu í H-riðli heimsmeistaramóts karla í fótbolta í Lusail í Katar í kvöld.
Maðurinn var með regnbogafána og klæddist stuttermabol, en á bakhlið bolsins mátti lesa eftirfarandi áletrun: „Virðing fyrir írönskum konum“.
Maðurinn var á vellinum í stutta stund þar til honum var fylgt út af vellinum.