Vonandi kemur ekkert fyrir strákinn

„Vonandi kemur ekkert fyrir strákinn því við skiljum skilaboðin sem hann sendi. Við stöndum með þeim,“ sagði Ruben Neves, leikmaður portúgalska landsliðsins um manninn sem hljóp inn á völlinn á meðan leik Portúgals og Úrúgvæ á heimsmeistaramóti karla í fótbolta stóð í gær, sem og skilaboðin sem hann sendi.

Maðurinn hljóp inn á völlinn með regnbogafána og í bol með áletrununum: Björgum Úkraínu og Virðing fyrir írönskum konum. Öryggisverðir eltu manninn uppi og leiddu hann af velli.

Frétt af mbl.is

Hljóp inn á völlinn með regnbogafána

Alþjóða knattspyrnusambandið, FIFA hafði tilkynnt í aðdraganda HM í Katar að allir væru velkomnir og að regnbogafánar yrðu leyfðir á völlunum. Þó hafa heyrst fréttir af atvikum þar sem fólki hefur verið meinað að sýna táknrænan stuðning við baráttu hinsegin fólks á mótinu. Þá var liðunum gert ljóst að þeim yrði refsað sýndu þau táknrænan stuðning með sérstökum fyrirliðaböndum.

Samkynhneigð er ólögleg í Katar.

Ruben Neves í baráttunni við Darwin Nunez í leiknum í gær. AFP/Kirill Kudryavtsev

• Blogga um frétt