Markvörðurinn reyndi Manuel Neuer ver mark Þjóðverja að vanda þegar þeir mæta Kostaríka í lokaumferð E-riðils heimsmeistaramótsins í fótbolta í Katar í kvöld og þar með setur hann met.
Neuer verður með þessu orðinn leikjahæsti markvörðurinn í sögu lokakeppni HM. Þetta er hans nítjándi leikur á stóra sviðinu og hann fer þar með fram úr Cláudio Taffarel frá Brasilíu og landa sínum Sepp Maier sem báðir vörðu mark þjóða sinna í 18 skipti á HM.