Rýnt í tölfræði riðlakeppni HM
Cristiano Ronaldo varð fyrsti leikmaðurinn til að skora á fimm heimsmeistaramótum í fótbolta þegar hann skoraði úr vítaspyrnu gegn Gana í fyrstu umferð H-riðils. Hann hefur skorað átta mörk til þessa á síðustu fimm mótum.
Robert Lewandowski skoraði sitt fyrsta mark á heimsmeistaramóti þegar hann skoraði seinna mark Póllands gegn Sádí-Arabíu í annarri umferð C-riðils. Pólland komst áfram í 16-liða úrslit í fyrsta sinn síðan í Mexíkó 1986.
Kylian Mbappé er markahæstur að lokinni riðlakeppninni með þrjú mörk ásamt fjórum öðrum leikmönnum, þeim Enner Valencia, Marcus Rashford, Alvaro Morata og Cody Gakpo. Aðeins Enner Valencia hefur lokið keppni með liði sínu Ekvador.
Spánverjinn Gavi varð yngsti markaskorari á HM síðan Pelé skoraði á HM 1958 í Svíþjóð aðeins 17 ára og 239 daga gamall. Gavi skoraði fimmta mark Spánar í 7:0 sigri á Kosta Ríka í fyrstu umferð E-riðils en Gavi var 18 ára og 110 daga gamall.
Hollendingurinn, Cody Gakpo, varð fyrsti evrópski leikmaðurinn til að skora í öllum leikjum riðlakeppni HM síðan Miroslav Klose gerði það fyrir Þýskaland í Japa og Suður-Kóreu 2002.
Til þessa hefur 525 mínútum verið bætt við venjulegan leiktíma á mótinu. Aldrei hefur viðbótartími verið svo mikill.
Fleiri tölfræðimolar:
Flestar stoðsendingar – 3: Harry Kane, Englandi
Flest sköpuð færi – 11: Antoine Griezmann, Frakklandi
Flestar heppnaðar sendingar – 431: Rodri, Spáni
Flestar tæklingar – 13: Achraf Hakimi, Marokkó og Ibrahima Konate, Frakklandi
Flest varin skot – 18: Wojciech Szczesny , Póllandi
Hæsta XG – 10,4: Þýskaland
Mest með bolta – 77%: Spánn