Kylian Mbappé, einn besti leikmaður HM í fótbolta í Katar til þessa, æfði ekki með franska liðinu í dag, vegna smávægilegra meiðsla.
Mbappé æfði einn síns liðs, en sóknarmaðurinn verður væntanlega klár í slaginn gegn Englandi í átta liða úrslitum á laugardaginn kemur.
Franska stjarnan er markahæsti leikmaður mótsins til þessa með fimm mörk. Franska knattspyrnusambandið lét frá sér fara á samfélagsmiðlum af þessu tilefni að Mbappé væri í endurheimt.