Nokkrir leikmenn argentínska landsliðsins í knattspyrnu stráðu salti í sár Hollendinga með því að fagna fyrir framan þá þegar úrslitin réðust í vítaspyrnukeppni liðanna á heimsmeistaramótinu í Katar í kvöld.
Eins og sést vel á myndinni að ofan sneru nokkrir Argentínumannanna sér beint að hnípnum Hollendingunum og fögnuðu. Grunnt var á því góða á milli liðanna í leiknum, sérstaklega undir lok venjulegs leiktíma þegar Leandro Paredes sparkaði boltanum beint inn í hóp varamanna Hollendinga, sem þustu inn á völlinn í kjölfarið.
Þá fóru ein 18 gul spjöld á loft í leiknum.
Hér fyrir neðan má sjá myndir af gleði og sorg liðanna í kvöld.