Töldu Guðjón mögulegan markakóng HM
Setja bókamerki
Veðmálafyrirtækið William Hill taldi líkurnar á því að Guðjón Valur Sigurðsson yrði markakóngur heimsmeistaramótsins í handknattleik í Þýskalandi og Danmörku vera þó nokkrar.
Hann er í 8.-12. sæti á lista William Hill yfir þá sem líklegir eru til að skora flest mörk í keppninni, en eins og ítrekað hefur komið fram missir Guðjón af keppninni vegna meiðsla.
Annars er það Norðmaðurinn Sandor Sagosen sem er efstur á blaði hjá veðbankanum, með líkurnar 1:6,50.
Næstir á eftir honum koma Kiril Lazarov frá Makedóníu, Mikkel Hansen frá Danmörku og Uwe Gensheimer frá Þýskalandi með líkurnar 1:7.
Niclas Ekberg frá Svíþjóð er í fimmta sæti með 1:17.
Rasmus Lauge Schmidt frá Danmörku og Zlatko Horvat frá Króatíu eru í sjötta til sjöunda sæti með 1:19.
Guðjón Valur deilir síðan áttunda sætinu með Ferran Sole frá Spáni, Kristian Bjørnsen frá Noregi og Frökkunum Kentin Mahe og Raphaël Caucheteux en þeir eru allir með líkurnar 1:21.
Tveir í bílnum sem lenti utan vegar
Væri að ljúga ef ég segðist ekki stressaður
Telur forsendur fyrir vaxtalækkun
„Hvílir mikil leynd yfir þessu öllu“
Banna mengandi búnað sem leyfður er á Íslandi
„Umsátursástand“
Kostnaður meiri en milljón á fermetra