Patrekur fékk átta marka skell

Mykola Bilyk sækir að marki Síle í dag.
Mykola Bilyk sækir að marki Síle í dag. AFP

Patrekur Jóhannesson og lærisveinar hans í austurríska karlalandsliðinu í handbolta máttu þola 24:32-tap fyrir Síle í 2. umferð í riðlakeppni heimsmeistaramótsins í Herning í dag. 

Staðan eftir spennandi fyrri hálfleik var 15:14, Austurríki í vil, en Sílemenn, sem töpuðu 39:16 fyrir Dönum í fyrsta leik sínum á HM voru mun sterkari aðilinn í síðari hálfleik. Bæði lið eru með tvö stig eftir tvo leiki en tapið er mikið áfall fyrir Austurríkismenn í baráttunni um þriðja sæti riðilsins. Síle er hinsvegar með sigrinum óvænt komið í þá baráttu.

Erwin Feuchtmann var markahæstur hjá Síle með níu mörk og Sebastian Ceballos skoraði sex. Robert Weber var markahæstur hjá Austurríki með sex mörk og Mykola Bilyk skoraði fimm. 

mbl.is