Arnór Þór Gunnarsson er heldur betur búinn að blanda sér í baráttu um markakóngstitilinn á heimsmeistaramótinu í handknattleik.
Hornamaðurinn knái fór á kostum í sigri Íslands gegn Makedóníu í gær en hann skoraði 10 mörk og er þar með kominn í 2.-3. sæti yfir markahæstu leikmenn mótsins með 31 mark. Arnór var valinn maður leiksins í gær, annan leikinn í röð.
Aron Pálmarsson er annar markahæsti leikmaður íslenska liðsins með 19 mörk og Ólafur Andrés Guðmundsson kemur næstur með 15 mörk.
Markahæstu leikmenn:
35 - Mikkel Hansen, Danmörku
31 - Arnór Þór Gunnarsson, Íslandi
31 - Uwe Gensheimer, Þýskalandi
30 - Timur Dibirov, Rússlandi
30 - Kiril Lazarov, Makedóníu
30 - Youssef Ben Ali, Katar
30 - Erwin Feuchtmann, Síle
27 - Mate Lekai, Ungverjalandi
27 - Robert Weber, Austurríki