Það kom fáum á óvart að Daninn Mikkel Hansen var valinn besti leikmaðurinn á heimsmeistaramótinu í handknattleik sem lauk í Herning í kvöld þar sem Danir unnu heimsmeistaratitilinn í fyrsta skipti.
Hansen var frábær á mótinu og endaði sem markakóngur en hann skoraði 72 mörk í 10 leikjum Dana á mótinu.
Úrvalslið mótsins lítur þannig út:
Besti leikmaðurinn: Mikkel Hansen, Danmörku
Vinstra horn: Magnus Jøndal, Noregi
Skytta vinstra megin: Sander Sagosen, Noregi
Leikstjórnandi: Rasmus Lauge, Danmörku
Skytta hægra megin: Fabian Wiede, Þýskalandi
Hægra horn: Ferrán Sole Salá, Spáni
Línumaður: Bjarte Myrhol, Noregi
Markvörður: Niklas Landin, Danmörku