Þrátt fyrir mánudag og sárt tap á móti Ungverjalandi á laugardag, eru Íslendingar enn og aftur búnir að fjölmenna á stuðningsmannasvæði Íslands í keppnishöllinni í Kristianstad til að hita upp fyrir leik Íslands og Suður-Kóreu á HM í handbolta.

Er um lokaleik liðanna í D-riðli að ræða og er ljóst að ekkert annað en sigur kemur til greina gegn Asíuþjóðinni, sem hefur tapað báðum leikjum sínum til þessa.

Kristinn Magnússon ljósmyndari mbl.is og Morgunblaðsins tók eftirfarandi myndir af andlitum stuðningsmanna sem lögðu leið sína til Kristianstad.