Keppni í milliriðlum heimsmeistaramóts karla í handbolta hófst í gær og það er strax hægt að setja spurningarmerki við þetta keppnisfyrirkomulag.
Eftir að liðum á HM var fjölgað úr 24 í 32 fyrir HM 2021 í Egyptalandi voru 16-liða úrslit felld niður og í staðinn kom 24 liða keppni í fjórum milliriðlum.
Þegar er ljóst að sumir leikjanna þar á næstu dögum skipta litlu máli, sérstaklega í lokaumferðinni, og fyrir fram eiga liðin sem komu stigalaus úr undanriðlunum sáralitlar vonir um að komast í átta liða úrslit.
Ljóst er að mun skemmtilegra hefði verið að fá útsláttarkeppni strax að riðlakeppninni lokinni.
Besta fyrirkomulagið væri að liðin, sem vinna riðlana átta, færu beint í 16-liða úrslit en þau sextán lið sem enda í öðru og þriðja sæti riðlanna mættust í 1. umferð útsláttarkeppninnar.
Bakvörðinn má sjá í heild sinni á íþróttasíðum Morgunblaðsins í dag.