Ísland endanlega úr leik
Setja bókamerki
Ísland er endanlega úr leik í baráttunni um sæti í átta liða úrslitum heimsmeistaramóts karla í handbolta eftir 42:30-sigur Ungverjalands á Grænhöfðaeyjum í milliriðli II á HM í Gautaborg í dag.
Úrslitin þýða að annað hvort Ungverjaland eða Portúgal fylgir Svíþjóð í útsláttarkeppnina.
Mikið var skorað í byrjun og staðan eftir fjórar mínútur var 4:2, Ungverjum í hag. Þeir skoruðu áfram mark á mínútu og staðan var 7:4 eftir sjö mínútur.
Grænhöfðaeyjar minnkuðu muninn í 7:5 en Ungverjar svöruðu því og staðan var 11:5 eftir 14 mínútur, 13:7 eftir 18 mínútur og 17:10 eftir 22 mínútur.
Staðan í hálfleik var 22:15, Ungverjum í hag, og fátt sem benti til þess að Afríkuþjóðin myndi hjálpa Íslandi með því að ná í stig úr þessari viðureign.
Ungverjar voru áfram með undirtökin framan af í seinni hálfleik, en Grænhöfðaeyjar minnkuðu muninn í fimm mörk snemma, 25:20. Ungverjar voru þó ekki líklegir til að láta forystuna af hendi og hafa leikinn spennandi.
Ungverjar náðu aftur sjö marka forskoti þegar seinni hálfleikur var tæplega hálfnaður, 29:22, og fyrir löngu ljóst hvort liðið færi með sigur af hólmi og hver örlög Íslands yrðu.
Ungverjaland hélt áfram að bæta í forskotið, sem var orðið níu mörk þegar fimm mínútur voru til leiksloka, 37:28. Að lokum munaði tólf mörkum á liðunum.
Miklos Rosta og Richard Bodo skoruðu sjö mörk hvor fyrir Ungverjaland. Bruno Landim skoraði átta fyrir Grænhöfðaeyjar.
Kvikan virðist nú skiptast til helminga
Innviðir þandir og álagið „gríðarlegt“
Hafa samþykkt kaup fyrir um 9,2 milljarða
Bjarkey stendur við skammarbréf Svandísar
Aðeins ein leið fær í Grindavíkurmálum
Sárt að horfa upp á illa meðferð fjármuna
Ísraelar hefna árásarinnar