Stórkostlegt fyrsta mark Þorsteins Leós (myndskeið)

Þorsteinn Leó Gunnarsson.
Þorsteinn Leó Gunnarsson. mbl.is/Eyþór Árnason

Þorsteinn Leó Gunnarsson skoraði sitt fyrsta mark á stórmóti í gær þegar Ísland vann stórsigur gegn Grænhöfðaeyjum í G-riðli heimsmeistaramótsins í handknattleik í Zagreb í Króatíu.

Leiknum lauk með 13 marka sigri Íslands, 34:21, en Þorsteinn Leó er að taka þátt á sínu fyrsta stórmóti með íslenska landsliðinu.

Stórskyttan, sem er 22 ára gömul, er samningsbundin Porto í efstu deild Portúgals en hann er uppalinn hjá Aftureldingu í Mosfellsbæ og hélt út í atvinnumennsku síðasta sumar.

Þorsteinn Leó skoraði sitt fyrsta mark á stórmóti þegar tæplega fimm mínútur voru til leiksloka í gær, sláin inn, en myndband af markinu má sjá hér fyrir neðan.

mbl.is
Fleira áhugavert
Fleira áhugavert