Íslenska landsliðið í fótbolta skipað leikmönnum 21 árs og yngri máttu þola tap gegn jafnöldrum sínum frá Írlandi í vináttuleik í Dublin í kvöld. Stefán Alexander Ljubicic skoraði mark Íslands í 3:1-tapi.
Leikurinn var liður í undirbúningi liðsins fyrir leikinn gegn Norður-Írum í undankeppni EM á mánudaginn kemur. Ísland er í 3. sæti í riðli 2 í undankeppninni, þremur stigum á eftir Norður-Írum og átta stigum á eftir Spánverjum.