Íslenska kvennalandsliðið í íshokkíi hafnar líklega í þriðja sæti í B-riðli 2. deildar heimsmeistaramótsins í íshokkíi eftir 4:2 tap á móti Taívan í lokaleik sínum á Spáni í dag.
Taívan komst í 2:0. Flosrún Jóhannesdóttir minnkaði muninn í 2:1 í fyrir Ísland í öðrum leikhluta og snemma í þriðja leikhlutanum jafnaði Silvía Björgvinsdóttir metin. Taívan reyndist svo sterkara á lokasprettinum og tryggði sér sigur með því að skora tvö mörk á síðustu tíu mínútum leiksins.
Spánn hefur tryggt sér sigur í deildinni og sæti í 2. deild A og er með 12 stig, Taívan fékk 12 stig, Ísland 8, Nýja-Sjáland er með 7 stig en Rúmenía og Tyrkland eru án stiga.
Nýja-Sjáland gæti náð bronsinu úr höndum íslensku kvennanna með sigri á Spáni síðar í dag.