Silvía Rán Björgvinsdóttir, leikmaður Skautafélags Akureyrar, viðurkennir að úrvalsdeild kvenna í ár hafi verið mjög skrítin en aðeins tvö lið léku í deildinni.
SA tryggði sér Íslandsmeistaratitilinn í íshokkíi kvenna á fimmtudaginn síðasta eftir 7:0-sigur gegn liði Reykjavíkur á Akureyri í öðrum leik liðanna í úrslitaeinvígi.
„Það var frábært að klára þetta sannfærandi og það er alltaf gaman að vinna titil. Við höfum ekki verið að vinna jafnstórt í ár og undanfarin ár en í þessum úrslitaleik langaði okkur virkilega að vinna sannfærandi og vera starfinu hérna á Akureyri til sóma.“
Silvía er uggandi yfir gangi mála í íshokkíi kvenna en fyrir tveimur árum voru fjögur lið að berjast um Íslandsmeistaratitilinn.
Sjá viðtal við Silvíu í heild á íþróttasíðum Morgunblaðsins í dag.