Skautafélag Akureyrar vann þægilegan sigur gegn Fjölni, 7:1, í fyrsta leik liðsins á tímabilinu í Hertz-deild karla í íshokkí í dag. Leikurinn var spilaður í Skautahöllinni á Akureyri.
SA leiddi 2:0 eftir fyrsta leikhluta og 6:0 eftir annan leikhluta, en þriðji og síðasti leikhlutinn endaði 1:1.
SA er nú með þrjú stig eftir sigur í fyrsta leik en Fjölnir er með eitt stig eftir að hafa spilað þrjá leiki.