Stefan Bonneau er sagður hafa slitið hásin í annað sinn á innan við ári en hann fór meiddur út af í Njarðvík í kvöld. 

Netmiðillinn Karfan.is fullyrðir þetta og segist hafa fyrir því heimildir úr herbúðum Njarðvíkur. Um er að ræða hægri fótinn en Bonneau sleit hásin á þeim vinstri fyrir keppnistímabilið. 

Bonneau lék í liðlega þrjár og hálfa mínútu í kvöld þegar Njarðvík tapaði fyrir Stjörnunni 70:82 en haltraði út af í fyrri hálfleik. 

Bonneau er nýbyrjaður að beita sér á nýjan leik eftir að hafa farið í endurhæfingu hérlendis í vetur. Bati hans hefur þótt skjótur miðað við alvarleika meiðslanna en samkvæmt fréttum kvöldsins hefur nú hinn fóturinn gefið sig. Bonneau hafði verið á skýrslu undanfarið en í kvöld kom hann í fyrsta skipti við sögu í mótsleik en hann hafði spilað einhverja æfingaleiki. 

Eins og íþróttaáhugamenn þekkja eru Njarðvíkingar þó ekki án bandarísks leikmanns því með liðinu leikur Jeremy Atikonson. Hann lét þó ekki mjög til sín taka í kvöld, skoraði 11 stig og tók 6 fráköst. 

Baráttukveðjur á Bonneau #Staystrong #TakkStefán

— Þórður Helgi Þórðar (@Doddilitli) March 21, 2016

Frábær sigur í kvöld. Við þurftum þennan. Geggjuð innkoma hjá Sæma Slæma.
Batakveðjur á Bonneau. Hrikalegar fréttir.#korfubolti #dominos365

— Marvin Vald (@MarvinVald) March 21, 2016

Tengdar fréttir

Úrslitakeppnirnar í körfubolta

Blóð, sviti og tár á bakvið sigurinn

• Magnaður árangur hjá liðinu
• Erfitt að eiga við KR í þessum ham
• Sælutilfinning sem erfitt er að lýsa
• Ofboðslega stoltur af árangrinum

» Fleiri tengdar fréttir

• Blogga um frétt