Ragnar yfirgefur Caceres

Ragnar Nathanaelsson í leik með Þór í Þorlákshöfn síðasta vetur.
Ragnar Nathanaelsson í leik með Þór í Þorlákshöfn síðasta vetur.

Körfuknattleiksmaðurinn Ragnar Nathanaelsson er farinn frá spænska B-deildarfélaginu Caceres þar sem hann hefur leikið það sem af er þessu keppnistímabili. Þetta kemur fram í tilkynningu frá félaginu.

Ragnar kom til liðs við Caceres í sumar en hefur ekki náð að festa sig í sessi sem byrjunarliðsmaður og spilað að jafnaði um sjö mínútur í leik.

Caceres skýrir frá því á Twitter að félagið og Ragnar hafi komist að samkomulagi um samningslok og þakkar honum mikla fagmennsku, segir hann hafa sýnt sterkan persónuleika og óskar honum alls hins besta.

mbl.is