Íþróttir | Körfubolti | mbl | 15.11.2017 | 9:12

Boston óstöðvandi þessa dagana

LaMarcus Aldridge fagnar sigri San Antonio Spurs gegn Dallas Mavericks með Kyle Anderson og Dejounte Murray. AFP

Boston Celtics tryggði sér sinn 13. sigur í röð í NBA-deildinni í körfubolta karla þegar liðið lagði Brooklyn Nets að velli, 109:102. Boston Celtics er í efsta sæti Austurdeildarinnar með 13 sigurleiki og tvo tapleiki.

Brooklyn Nets hefur hins vegar farið rólega af stað í Austurdeildinni í vetur, en liðið hefur borið sigur úr býtum í fimm leikjum og látið í minni pokann í níu leikjum.

Þá dugði stórleikur James Harden ekki til sigurs gegn Toronto Raptors, en lokatölur í þeim leik urðu 129:113 Toronto Raptors í vil. Harden skoraði 38 stig og gaf þar að auki 11 stoðsendingar í leiknum.

Houston Rockets hefur nú beðið ósigur í fjórum leikjum í Vesturdeildinni í vetur, en liðið hefur tapað einum leik færra en ríkjandi NBA-meistarar Golden State Warrriors sem trónir á toppi Vesturdeildarinnar.

Toronto Raptors komst upp í fjórða sæti Vesturdeildarinnar með þessum sigri, en liðið hefur borið sigurorð í átta leikjum og lotið í lægra haldi í fimm leikjum.

San Antonio Spurs fór með sigur af hólmi, 97:91, gegn Dallas Mavericks í þriðja leik næturinnar. LaMarcus Aldridge var stigahæstur hjá San Antonio Spurs með 32 stig.

San Antonio Spurs er í þriðja sæti Vesturdeildarinnar með níu sigurleiki og fimm tapleiki á meðan Dallas Mavericks vermir botnsæti deildarinnar með tvo sigurleiki og 13 tapleiki.