Kianoush Rostami, 26 ára gamall lyftingamaður frá Íran, hefur sett gullverðlaunapening sinn frá Ólympíuleikunum í Ríó 2016 á uppboð til þess að safna fé til styrktar fórnarlömbum jarðskjálftans sem reið yfir landamæri Írans og Íraks á dögunum.

Jarðskjálftinn er sá mannskæðasti sem orðið hefur á þessu ári. Staðfest hefur verið að 413 hafi farist í Íran og 9 í Írak. Yfir 8 þúsund manns hafa slasast og eru aðstæður í Kermanshah-héraðinu sem var verst úti afar slæmar og neyðast fjölmargir til þess að sofa utandyra í vetrarkuldanum.

Rostami er sjálfur frá þessu héraði og vildi leggja sitt af mörkum. Hann segist sjálfur varla hafa sofið eftir að skjálftinn reið yfir. Í hans fótspor hefur svo Sarah Javanmardi fylgt, en hún varð fyrsta konan í sögu Íran sem vinnur gull í skotimi á Ólympíumóti fatlaðra í fyrra.

BBC greinir frá.

Tengdar fréttir

Jarðskjálfti í Íran 2017

Jarðskjálfti að stærð 5,2 í Íran

• 483 fórust í skjálftanum
• Biðla um aðstoð á meðan tala látinna hækkar
• Vinna nú í kapp við tímann
• Var líkt og byggingin dansaði

» Fleiri tengdar fréttir

• Blogga um frétt