„Ég er ógeðslega ósáttur“

Daníel Guðni Guðmundsson þjálfari Njarðvíkinga var allt annað en sáttur með tap hans manna gegn Keflavík í kvöld. Daníel sagði lykilleikmenn hafa brugðist, skotval leikmanna á stundum skelfilega og að lið hans hafi aðeins tapað með fjórum stigum eftir slíka frammistöðu hafi verið kraftaverk.

„Lélegt skotval, lélegar ákvarðanir trekk í trekk og lélegur varnarleikur,“ sagði Daníel í samtali við mbl.is en Keflavík vann 85:81 í Ljónagryfjunni í Njarðvík í kvöld. Keflavík er eftir leikinn í þriðja sæti en Njarðvík sjötta.

„Ég er ógeðslega ósáttur,“ sagði Daníel en nánar er rætt við hann í meðfylgjandi myndskeiði.

mbl.is
Fleira áhugavert
Fleira áhugavert