Oliver snýr aftur til Þórs

Marques Oliver í leik með Þór í vetur.
Marques Oliver í leik með Þór í vetur. mbl.is/Skapti Hallgrímsson

Bandaríski körfuknattleiksmaðurinn Marques Oliver er á leið til liðs við Þór á Akureyri á nýjan leik og mun spila með liðinu á lokaspretti Dominos-deildar karla.

Oliver varð fyrir meiðslum og þar sem útlit var fyrir að hann yrði lengi frá keppni fengu Þórsarar landa hans Nino Johnson í sínar raðir í staðinn. Á vef Þórs segir að bataferli Olivers hafi gengið vonum framar og hann verði leikfær snemma í febrúar.

Þórsarar ætla því að vera með bæði Oliver og Johnson í sínum hópi, enda þótt aðeins annar þeirra megi vera inni á vellinum í einu. 

mbl.is
Fleira áhugavert
Fleira áhugavert