Landsliðshópur boðaður til æfinga

Jakob Örn Sigurðarson, Arnar Guðjónsson og Craig Pedersen
Jakob Örn Sigurðarson, Arnar Guðjónsson og Craig Pedersen mbl.is/Kristinn Magnússon

Craig Pedersen, þjálfari íslenska landsliðsins í körfuknattleik, og aðstoðarþjálfarar hans, Arnar Guðjónsson og Finnur Freyr Stefánsson, hafa boðað leikmenn til æfinga fyrir landsleikina sem framundan eru í undankeppni HM karla 2019.

Formlegar landsliðsæfingar hefjast eftir helgina en áður en að þeim kemur hafa verið boðaðir til æfinga á laugardag og sunnudag 20 leikmenn sem eiga kost á að verða boðaðir til áframhaldandi æfinga í loka æfingahópnum. Í hópnum sem mætir fyrr til æfinga eru bæði leikmenn sem hafa verið í eða í kringum landsliðsæfingahópinn að undanförnu, ungir og efnilegir leikmenn og leikmenn sem hafa verið að stíga sín fyrstu spor með A-landsliðinu undanfarið.

Hópurinn æfir saman eins og áður segir um helgina og verða þá í kjölfarið nokkrir leikmenn boðaðir til áframhaldandi æfinga í lokaæfingahóp fyrir landsleikina tvo sem framundan eru, dagana 23. febrúar og 25. febrúar gegn Finnlandi og Tékklandi, hér heima í Laugardalshöllinni. 

Þeir leikmenn sem boðaðir hafa verið til æfinga eftir helgina í lokaæfingahópinn eru:
Haukur Helgi Pálsson, Cholet Basket
Hlynur Bæringsson, Stjörnunni
Hörður Axel Vilhjálmsson, Keflavík
Jakob Örn Sigurðarson, Borås Basket
Jón Arnór Stefánsson, KR
Kristófer Acox, KR
Logi Gunnarsson, Njarðvík
Martin Hermannsson, Châlons-Reims
Pavel Ermolinskij, KR
Tryggvi Snær Hlinason, Valencia

Tveir leikmenn gáfu ekki kost á sér að þessu sinni en það voru þeir Brynjar Þór Björnsson, KR, og Ægir Þór Steinarsson, Tau Castello, Spáni.

Þeir leikmenn sem boðaðir hafa verið í stóra æfingahópinn um helgina eru:
Axel Kárason, Tindastól
Breki Gylfason, Haukum
Dagur Kár Jónsson, Grindavík
Emil Barja, Haukar
Emil Karel Einarsson, Þór Þorlákshöfn
Halldór Garðar Hermannsson, Þór Þorlákshöfn
Hjálmar Stefánsson, Haukum
Illugi Steingrímsson, Val
Ingvi Rafn Ingvarsson, Þór Akureyri
Kári Jónsson, Haukum
Kristinn Pálsson, Njarðvík
Kristján Leifur Sverrisson, Haukum
Maciek Baginski, Njarðvík
Matthías Orri Sigurðarson, ÍR
Ólafur Ólafsson, Grindavík
Pétur Rúnar Birgisson, Tindastól
Ragnar Ágúst nathanaelsson, Njarðvík
Sigtryggur Arnar Björnsson, Tindastól
Tómas Þórður Hilmarsson, Stjörnunni
Viðar Ágústsson, Tindastól

mbl.is