Tryggvi Snær í nýliðaval NBA?

Tryggvi Snær Hlinason.
Tryggvi Snær Hlinason. mbl.is/Kristinn Magnússon

Samkvæmt heimildum ESPN ætlar landsliðsmaðurinn Tryggvi Snær Hlinason að gefa kost á sér í nýliðavalið í bandarísku NBA-deildinni í körfuknattleik í sumar.

Tryggvi, sem er 21 árs gamall, leikur með spænska liðinu Valencia þar sem hann hefur ekki mikið fengið að spreyta sig á leiktíðinni en hann fór á kostum með U-20 ára landsliðinu á Evrópumótinu í fyrrasumar þar sem hann skoraði að meðaltali 16,1 stig, tók 11,6 fráköst og varði 3,1 skot en Ísland hafnaði í áttunda sæti á mótinu.

Hann lék svo með A-landsliðinu á Evrópumótinu í Finnlandi síðastliðið haust og hefur verið í stóru hlutverki með landsliðinu í leikjum þess í undankeppni HM í vetur.

mbl.is