Martin Hermannsson, landsliðsmaður í körfuknattleik, fór fyrir liði sínu Chalons-Reims eftir lokaleik liðsins í frönsku 1. deildinni í gær. Hann stjórnaði þá víkingaklappi af stakri snilld.
Martin og félagar kláruðu tímabilið með sigri en komust ekki í úrslitakeppnina. Ólíklegt þykir að Martin haldi kyrru fyrir hjá liðinu á næsta tímabili, en hann hefur gefið það út að hann vilji taka næsta skref á ferlinum. Félagið kom í veg fyrir að hann myndi klára tímabilið hjá sterku ítölsku félagi á dögunum, en líklegt þykir að Martin muni færa sig um set í sumar.
Myndskeið af Martin og víkingaklappinu má sjá í meðfylgjandi myndskeiði.
Le clapping de @hermannsson15 pour son très probable au revoir au @CCRBASKET #Reims #Châlons #JeepElite @LNBofficiel @kkikarfa pic.twitter.com/8ihTQzv9A1
— CCRB_actu (@CCRBactu) May 15, 2018