Körfuknattleiksmaðurinn Finnur Atli Magnússon mun yfirgefa Hauka og spilar ekki með Hafnarfjarðarliðinu á næstu leiktíð. Þetta kemur fram á vefnum karfan.is.
Finnur Atli er á leið til Ungverjalands ásamt unnustu sinni en Helena Sverrisdóttir samdi í gær við ungverska liðið Cegled um að spila með liðinu á næstu leiktíð. Helena var lykilmaður í liði Hauka sem varð Íslandsmeistari á dögunum.
Finnur Atli hefur verið ráðinn styrktarþjálfari Cegled en hann hefur leikið með Haukaliðinu undanfarin ár en lék áður með KR.