Durant búinn að semja við meistarana

Kevin Durant.
Kevin Durant. AFP

Kevin Durant hefur skrifað undir nýjan tveggja ára samning við Golden State Warriors sem fagnaði NBA-meistaratitlinum á síðustu leiktíð.

Talið er að Durant fái í sinn hlut 30 milljónir dollara í laun á ári með þessum nýja samningi en sú upphæð jafngildir um 3,2 milljörðum íslenskra króna.

Durant gekk í raðir Golden State frá Oklahoma City Thunder árið 2016 og hefur orðið NBA-meistari með liðinu undanfarin tvö tímabil.

Durant, sem er 29 ára gamall, skoraði 28,8 stig að meðaltali á síðasta tímabili, tók 10,8 fráköst og gaf 7,5 stoðsendingar. Hann var valinn besti leikmaður úrslitakeppninnar annað árið í röð.

mbl.is