Íslenska kvennalandsliðið í körfubolta skipað leikmönnum 20 ára og yngri tapaði fyrir Tyrkjum 76:57 í fjórða leik sínum í B-deild á Evrópumótinu í Rúmeníu í dag.
Íslenska liðið hefur þar með tapað þremur af fjórum leikjum sínum en eini sigurinn kom á móti Dönum.
Thelma Dís Ágústsdóttir var stigahæst í íslenska liðinu með 21 stig og tók 8 fráköst, Dagbjört Karlsdóttir skoraði 10, Hulda Bergsteinsdóttir 7 og Anna Lárusdóttir skoraði 6 stig.
Ísland mætir Hvíta-Rússlandi á morgun í síðasta leik sínum í riðlakeppninni.