Drengjalið Kosovo verður með á EM

B-deild Evrópumótsins í körfuknattleik, skipuð leikmönnum 16 ára og yngri, hefst í dag en leikið er í Sarajevo í Bosníu en mótið stendur yfir dagana 9.-18. ágúst. Ísland leikur í C-riðli keppninnar, ásamt Póllandi, Finnlandi, Ungverjalandi, Kýpur og Búlgaríu. 

Frétt af mbl.is

Væntanlegir mótherjar Íslands fá ekki vegabréfsáritun

Landslið Kosovo er einnig skráð til leiks en óvíst var um þátttöku liðsins á mótinu í gær þar sem að leikmenn landsliðsins fengu ekki vegabréfsáritun. Sejo Bukva, varaformaður körfuknattleikssambands Bosníu, sendi frá sér tilkynningu í dag þar sem hann sagðist eiga von á því að drengirnir frá Kosovo fengju vegabréfsáritun í dag.

„Það er miður að 16 ára börn séu fórnarlömb pólitískra deilna. Pólitík á ekkert skylt við íþróttir ungmenna og það er óásættanlegt að svona hlutir skuli gerast í íþróttum og ég mun aldrei styðja svona hegðun. Ég reikna með því að drengirnir frá Kosovo fái vegabréfsáritun á næstu klukkustundum og að málið leysist sem fyrst,“ sagði Bukva.

Drengjalið Kosovo átti að hefja leik í dag gegn heimamönnum í Bosníu en fari svo að liðið verði ekki komið með vegabréfsáritun fyrir þann tíma, mun leikurinn fara fram, síðar í keppinni.

• Blogga um frétt