Landsliðsþjálfari karla í körfuknattleik, Craig Pedersen, hefur boðað 24 manna æfingahóp sem mun æfa dagana 30.-31. ágúst. Fram undan eru tveir vináttulandsleikir við Noreg í byrjun september en norska körfuknattleikssambandið fagnar 50 ára afmæli sínu í ár.
Leikirnir gegn Noregi eru hugsaðir sem undirbúningur fyrir landsliðið fyrir forkeppni EuroBasket 2021. Fyrsti leikur Íslands verður gegn Portúgal ytra 16. september.
Fjórir leikmenn í æfingahópnum hafa aldrei spilað A-landsleik fyrir Íslands hönd. Þetta eru þeir Kristján Leifur Sverrisson og Emil Barja, sem hafa verið í æfingahópnum áður, og Danero Thomas og Collin Pryor sem fengu íslenskan ríkisborgararétt í sumar. Samkvæmt reglum FIBA má einn leikmaður í landsliðshópnum hafa annan ríkisborgararétt eftir 18 ára aldur en þann sem hann hafði þegar hann fæddist.
Pavel Ermonlinskij var boðaður í æfingahópinn en gaf ekki kost á sér að þessu sinni. Sigtryggur Arnar Björnsson er einnig fjarverandi en hann er að ná sér að meiðslum. Þá eru þeir Jón Axel Guðmundsson og Breki Gylfason við nám í USA og komast ekki. Dagur Kár Jónsson er einnig fjarverandi, hann er að hefja atvinnumannaferil í Austurríki.
Hópurinn sem boðaður er til æfinga er eftirfarandi:
Collin Pryor · Stjarnan
Danero Thomas · Tindastóll
Elvar Már Friðriksson · Denain, Frakkland
Emil Barja · Haukar
Emil Karel Einarsson · Þór Þorlákshöfn
Gunnar Ólafsson · Keflavík
Haukur Helgi Pálsson Briem · Nanterre 92, Frakkland
Hjálmar Stefánsson · Haukar
Hlynur Bæringsson · Stjarnan
Hörður Axel Vilhjálmsson · Keflavík
Jón Arnór Stefánsson · KR
Kári Jónsson · Barcelona, Spánn
Kristinn Pálsson · Njarðvík
Kristjan Leifur Sverrisson · Haukar
Kristófer Acox · Denain, Frakkland
Maciej Baginski · Njarðvík
Martin Hermannsson · Alba Berlin, Þýskaland
Matthías Orri Sigurðarson · ÍR
Ólafur Ólafsson · Grindavík
Pétur Rúnar Birgisson · Tindastóll
Ragnar Nathanaelsson · Njarðvík
Tómas Hilmarsson · Stjarnan
Tryggvi Hlinason · Monbus Obradorio/Valencia, Spánn
Ægir Þór Steinarsson · Stjarnan