Íslandsmeistarar KR heimsækja Keflvíkinga þegar 2. umferð Dominos-deildar karla lýkur í kvöld með tveimur leikjum.
Miðherjinn sterki Michael Craion er aftur kominn til Keflavíkur eftir dvöl í Frakklandi en hann lék tvö tímabil með Keflavík á árum áður. Í millitíðinni var hann einnig í KR í tvö tímabil og varð Íslandsmeistari í bæði skiptin.
Liðin mætast í Keflavík klukkan 20:15.
Klukkan 18:30 eigast við Haukar og ÍR á Ásvöllum í Hafnarfirði. Bæði lið tóku nokkrum breytingum í sumar og forvitnilegt að sjá hvernig þau fara af stað í deildinni.
Fjórir leikir eru jafnframt á dagskrá í 1. deild karla.