Helena Sverrisdóttir átti ágætan leik fyrir Ceglédi sem varð að sætta sig við 71:68-tap á heimavelli fyrir PEAC-Pécs í efstu deild Ungverjalands í körfubolta í dag.
Landsliðskonan skoraði 15 stig og var stigahæst í sínu liði. Hún tók svo fjögur fráköst og gaf fjórar stoðsendingar. Helena hefur leikið nokkuð vel með Cegléd á leiktíðinni, en þrátt fyrir það er liðið búið að tapa öllum þremur leikjum sínum til þessa.