Harden skyggði á LeBron í fyrsta heimaleiknum
Setja bókamerki
LeBron James skoraði 24 stig, tók 5 fráköst og gaf 5 stoðsendingar fyrir Los Angeles Lakers þegar liðið tapaði fyrir Houston Rockets í NBA-deildinni í körfuknattleik í Staples Center í Los Angeles í nótt en leiknum lauk með 124:115-sigri Houston.
Þetta var fyrsti heimaleikur LeBron James með sínu nýja félagi en James Harden, leikmaður Houston, stal senunni í nótt og skoraði 36 stig, tók 7 fráköst og gaf 5 stoðsendingar. Chris Paul var einnig atkvæðamikill í liði Houston með 28 stig og 10 stoðsendingar.
Lebron var stigahæstur hjá Lakers en næstur á eftir honum kom JaVale McGee með 16 stig og 6 fráköst. Lakers hefur tapað báðum leikjum sínum í NBA-deildinni til þessa en LeBron gekk til liðs við félagið í sumar frá Cleveland Cavaliers.
Öll úrslit næturinnar í NBA-körfuboltanum:
Indiana Pacers 132:112 Brooklyn Nets
Washington Wizards 113:117 Toronto Raptors
New York Knicks 101:103 Boston Celtic
Philadelphia 76ers 116:115 Orlando Magic
Miami Heat 112:113 Charlotte Hornets
Chicago Bulls 116:118 Detroit Pistons
Dallas Mavericks 140:136 Minnesota Timberwolves
Denver Nuggets 119:91 Phoenix Suns
Portland Trail Blazers 121:108 San Antonio Spurs
Los Angeles Lakers 115:124 Houston Rockets
Fiskikóngurinn: „Mér fannst sárt að heyra það“
Fara ekki lengur fram á einangrun yfir Davíð
Myndir: Reynir við heimsmet í Hlíðarfjalli í dag
Hönnun sem bætir líf manna
Verðbólgan komin niður í 6%
Bifreið ekið á skrifstofu Útlendingastofnunar
Handtekin eftir að tvö börn fundust látin
Beint frá Kína