Haukur Helgi Pálsson og samherjar hans hjá Nanterre máttu þola svekkjandi 87:81-tap fyrir Dijon í efstu deild Frakklands í körfubolta í kvöld. Nanterre mistókst að fara upp í annað sæti deildarinnar og er þess í stað í fimmta sæti með 24 stig.
Haukur átti góðan leik fyrir Nanterre og var stigahæstur með 20 stig. Hann nýtti átta af níu skotum sínum í leiknum og þar af fjögur af fimm fyrir utan þriggja stiga línuna. Haukur tók tvö fráköst og gaf tvær stoðsendingar á 25 mínútum.