Martin Hermannsson naut sín vel í Laugardalshöll í gærkvöld í sigrinum á Portúgal í forkeppni Evrópumótsins í körfubolta og ein tilþrifa hans vöktu sérstaka athygli.
„Mig langaði alltaf að verða atvinnumaður í fótbolta,“ skrifaði Martin á Twitter-síðu sína þar sem hann deildi tilþrifum sínum úr leiknum er hann skallaði boltann áfram í skyndisókn sem skilaði tveimur stigum. Tilþrifin má sjá hér að neðan.
Always wanted to be a professional soccer player... https://t.co/ieAYwKDxfq
— Martin Hermannsson (@hermannsson15) February 21, 2019
Martin og félagar halda nú til Belgíu þar sem þeir mæta heimamönnum í lokaleik riðilsins. Fjórar breytingar hafa verið gerðar á íslenska hópnum frá sigrinum í gær en það var síðasti leikur Jóns Arnórs Stefánssonar og Hlyns Bæringssonar fyrir liðið auk þess sem Haukur Helgi Pálsson leikur ekki gegn Belgum vegna meiðsla.