Úrslitakeppni Dominos-deildar karla í körfuknattleik heldur áfram í kvöld en tveir leikir fara fram í átta liða úrslitunum.
Íslandsmeistarar KR-inga fá Keflvíkinga í heimsókn en KR hafði betur í fyrstu rimmu liðanna í Keflavík á föstudagskvöldið í æsispennandi leik 77:76.
Í Þorlákshöfn taka Þórsarar á móti Tindastóli en Stólarnir eru 1:0 yfir í einvíginu eftir sigur í fyrsta leiknum á föstudagskvöldið 112:105.
Báðir leikir kvöldsins hefjast klukkan 19.15 og verða þeir í beinni textalýsingu hér á mbl.is.