Dagur Kár Jónsson var sterkur fyrir Flyers Wels í 90:79-útisigri á Vienna Timberwolves á útivelli í austurrísku A-deildinni í körfubolta í dag. Með sigrinum tryggði Flyers Wels sér sæti í sex liða úrslitakeppni.
Dagur skoraði 13 stig, tók 7 fráköst og gaf 4 stoðsendingar fyrir sitt lið á rúmum hálftíma. Flyers Wels er í fimmta sæti deildarinnar með 38 stig, þegar ein umferð er eftir.
Flyers Wels er búið að vera á fínni siglingu síðustu vikur og unnið sex af síðustu átta leikjum sínum.