Durant að semja við Brooklyn Nets
Setja bókamerki
Kevin Durant, einn besti skorarinn í NBA-deildinni í körfubolta, mun gera fjögurra ára samning við Brooklyn Nets á næstu dögum. Hann kemur til Brooklyn frá Golden State Warriors. Að sögn ESPN munu Kyrie Irving og DeAndre Jordan einnig ganga í raðir Brooklyn.
Durant hefur tvisvar verið valinn verðmætasti leikmaður úrslitakeppninnar og var hann stærsta nafnið á lista yfir samningslausa leikmenn deildarinnar.
Óvíst er hvenær Durant getur snúið aftur á völlinn, en hann meiddist illa í leik með Golden State gegn Toronto Raptors í lokaúrslitum NBA-deildarinnar á dögunum.
Durant skoraði 26 stig, tók 6,4 fráköst og gaf 5,9 stoðsendingar að meðaltali í leik í vetur. Hann skoraði svo 32,3 stig, tók 7,7 fráköst og gaf 4,5 stoðsendingar að meðaltali í úrslitakeppninni.
Kyrie Irving kemur til Brooklyn frá Boston Celtics. Irving skoraði 22,2 stig að meðaltali í leik með Boston í vetur, en hann varð meistari með Cleveland Cavaliers árið 2016.
Brooklyn fær DeAndre Jordan frá New York Knicks. Jordan skoraði 10,9 stig að meðaltali með New York á tímabilinu, en hann hefur einnig leikið með Dallas Mavericks og L.A. Clippers.
„Það er skiljanlegt að þolinmæði þeirra sé lítil“
Hafa samþykkt kaup fyrir um 9,2 milljarða
„Tíminn er runninn út fyrir Kristján Loftsson“
Starfsfólk gæti fengið reikning frá Skattinum
Kvikan virðist nú skiptast til helminga
Segir óábyrgt að skipta út öllu bankaráðinu