Íslenska U20 ára landslið karla í körfubolta er komið í átta liða úrslit í B-deild Evrópumótsins í Portúgal. Það varð ljóst eftir 83:70-sigur Rússlands á Portúgal í kvöld.
Ísland vann sannfærandi 78:41-sigur á Ungverjum í dag og endar með sex stig í A-riðli, líkt og Ungverjaland og Hvíta-Rússland. Þar sem sigur Íslands í dag var risastór, er Ísland efst af þjóðunum þremur.
Ísland mætir Tékklandi í átta liða úrslitunum á föstudag. Tékkar unnu alla leiki sína í B-riðli og eru fyrir fram taldir sigurstranglegri gegn íslensku strákunum.