Dönsk landsliðskona, Emilie Hesseldal, er gengin í raðir Skallagríms í Borgarnesi í Dominos-deildinni í körfuknattleik. Karfan.is greindi frá þessu í gær og þar kemur fram að um 186 cm háan miðherja sé að ræða.
Á síðasta tímabili lék Hesseldal í portúgölsku deildinni. Þar tók hún 12 fráköst að meðaltali í leik og skoraði auk þess 11 stig að jafnaði. Hún hefur einnig leikið í NCAA og í heimalandinu.