Flug Hauka hófst of seint gegn Keflavík

Irena Sól Jónsdóttir átti góðan leik fyrir Keflavík og skoraði ...
Irena Sól Jónsdóttir átti góðan leik fyrir Keflavík og skoraði þrjú stig og gaf tvær stoðsendingar. mbl.is/Árni Sæberg

Keflavík er komin á blað í Dominos-deild kvenna í körfubolta eftir 65:54-sigur á útivelli gegn Haukum í 2. umferðinni í gærkvöldi. Keflavík lagði grunninn að sigrinum með stórglæsilegum fyrri hálfleik, en munurinn varð mestur 28 stig í upphafi seinni hálfleiks. Haukar gerðu vel í að gefast ekki upp en munurinn var einfaldlega of mikill.

Vörn Keflavíkur í fyrri hálfleik var ótrúlega sterk. Keflvíkingar pressuðu Hauka út um allan völl og það réðu Haukar illa við. Hvað eftir annað var boltanum kastað beint út af eða í hendurnar á leikmönnum Keflavíkur, sem þökkuðu fyrir sig með stigum hinum megin. Það fer mikil orka í að spila varnarleik á borð við þann sem Keflavík bauð upp á í fyrri hálfleik og virtust leikmenn orðnir þreyttir undir lokin. Það er skiljanlegt eftir tvær umferðir. Takist Keflavík að spila varnarleik líkt og í gær yfir heilan leik þurfa önnur lið að varast Keflvíkinga.

Seairra Barrett, bandarískur leikmaður Hauka, byrjaði á bekknum. Það eru tíðindi þegar lið geyma atvinnumanninn sinn á bekknum, en það varð æ skiljanlegri ákvörðun eftir því sem leið á leikinn og takmörkuð gæði hennar komu ljós. Það er erfitt að sjá að Haukar sætti sig við leikmann eins og Barrett þegar betri leikmenn eru í boði.

Nánari umfjöllun um leik Hauka og Keflavíkur í úrvalsdeild kvenna í körfuknattleik má sjá á íþróttasíðum Morgunblaðsins í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »